- Bygg skipstunnel med bompengar

Ho foreslår ei alternativ og kontroversiell finansiering, etter at ein rapport seier at det ikkje er farleg nok å reise over Stadhavet.

- Det er veldig nedslåande at det kjem nok ein rapport som går att og fram, seier Gjerde.

• LES OGSÅ: Sjøfolk rasar mot Kystverket

- Brukerane kan betale

- No meiner eg at me må bruke dei utgreiingane som me har, og starte opp ved hjelp av bompengar.

Venstre-politikaren meiner no at bompengar er ein god ide for å få i gong prosjektet etter at tunnelen har vore utgreia 17 gonger.

- Det er nyttetrafikk for passasjerar, og det er gods. Då må dei som bruker tunnelen vere med på å betale den etter bruk, meiner ho.

- Meiningslaust

Ho seier at ho har undersøkt moglegheitene, og kome til at det fins system som kan brukast til dette.

Sambygdingen Oskar Grimstad (FrP) er ikkje heilt samd med Gjerde.

- Det er den tradisjonelle visa frå politikarar som ikkje har evne til å ha idear om anna enn at det skal finansierast av andre. Det er meiningslaust på eit slikt prosjekt, seier han.

- Politisk bestillingsverk

Likevel er han samd med Gjerde på fleire punkt. Kystverket bør setje i gong bygging, seier han, og er skeptisk til bakgrunnen for rapporten som no har kome.

- Det er særs skuffande at ikkje Kystverket kan manne seg opp og på fagleg grunnlag gje ei anbefaling på noko som er ynskt og som er samfunnsøkonomisk gunstig å køyre i gong. Dette framstår som eit politisk bestillingsverk frå departementet, seier han.