- Dette er å narre folk

Onsdag var det klart at tunnelen som skal la skip sleppe å sigle over det farlege Stadhavet skal utgreiast nok ein gong.

LES OGSÅ: Stad skipstunnel vert utsett igjen

LES OGSÅ: Oppgitt etter ny Stad-utsetting

- Dei bør manne seg opp

Fylkesordførar Olav Bratland i Møre og Romsdal er svært kritisk til at Stad skipstunnel igjen vert utsett.

- Når prosjektet vert utgreia 17 gonger og det framleis ikkje er nok - då kan ein snakke om å narre folk, meiner Bratland.

Som leiar for Vestandsrådet har Bratland tatt opp saka med dei tre andre fylka i rådet. Heile Vestlandet kjem til å leggje eit felles press på regjeringa.

- No bør regjeringa manne seg opp og seie om dei ynskjer prosjektet eller ikkje.

Ap-Aasen også skuffa

Også tidlegare fylkesordførar Jon Aasen (Ap) i Møre og Romsdal likar dårleg den nye utgreiinga.

- Eg vart veldig skuffa då eg høyrde det. Viss det er noko prosjekt som er utgreia i det uendelege, så er det Stad skipstunnel.

Aasen fryktar politikarane vil vakne for seint.

- Me kan jo risikere ei brutal og stygg ulukke på Stadhavet. Då er det litt seint å starte på tunnelen, seier Aasen.

LES OGSÅ: Ingenting sett av til skipstunnel

LES OGSÅ: Høgre-lovnad om skipstunnel

Vil erobre Vestlandet

Partisekretær Raymond Johansen har tidlegare sagt at Arbeidarpartiet sitt mål er å erobre Vestlandet.

- Viss vestlendingane skal føle at partiet er på deira side, må Ap byggje infrastruktur på Vestlandet, seier Aasen.

- Velgerflukt om ikke vestlandsveger prioriteres