Hustad kalk i ankesak
Tysdag byrjar ankesaka i striden mellom bedrifta Hustadkalk og grunneigarar i Eide. Grunneigarane gjekk tidlegare i år til sak og kravde fleire millionar i erstatning fordi Hustadkalk hadde seld steinen eklogitt utan å gi grunneigarane del av gevinsten. Grunneigarane tapte saka i tingretten i mars, men går no inn i ein ny runde i retten. Partane har allereie brukt nær to millionar kroner på advokatar.
