Her gjer dei eskimorulla innandørs

Moldebadet, med 28 grader i vatnet, freista Molde kajakklubb til å starta øvinga innandørs.

– Vi har samla 13 ungdommar for å ha gjennomkjøring på eskimorulling og kameratredning. Vi skal leke oss litt med kajakkane, seier Jørgen Bysveen, instruktør i Molde kajakklubb.

Samarbeid med Moldebadet

Kajakklubben samarbeidar med Moldebadet, og dei skal ha seks kveldar i svømmehallen der dei fokuserer på sikkerheit rundt bruken av kajakk. Dette er no eit prøveprosjekt som skal gå framover våren.

– Eg håper at vi får fortsette til hausten igjen, seier instruktøren.

Iver Amundsgård veit godt korleis han gjer ei kajakkrulle. Men mykje øving må til før ein meistrar den berømte rulla.