- Det er den sakna Asgeir Bjerkestrand som er funnen omkomen i nærområdet der han vart meldt sakna, stadfestar operasjonsleiar i Nordmøre og Romsdal politidistrikt, Jan Erik Kjeller, til NRK.
Teknikar på staden
Politiet fekk melding om eit funn på djupet i Bergsøysundet frå undervassfirmaet Abyss klokka 18.15. Klokka 20.45 er teknikar på staden og kan stadfeste at det er den sakna som er funnen omkomen.
Har søkt grundig
17-åringen har vore sakna sidan onsdag førre veke etter at han var ute og fridykka saman med ein kamerat i Bergsøysundet mellom Gjemnes og Tingvoll.
Sidan har det vore søkt både på overflata og i djupet etter den sakna. I området der dei to kameratane dykka, er det frå 60-100 meter djupt.
Pårørande skal no vere varsla.