Fylkestinget sa nei til Togbussen
Fleirtalet i fylkestinget sa i ettermiddag nei til å oppretthalde den såkalla Togbussen mellom Nordmøre og Oppdal.
Budsjettvedtaket blei gjort med 28 mot 19 røyster. Eit tilleggsforslag om å ta inn Togbussen blei vraka med 24 mot 23 røyster.
Bussen er eit tilbod for dei som skal ta tog med Dovrebanen. Det er også eit viktig tilbod for folk lokalt i Sunndal
Lokalt i Sunndal har det vore mobilisert for å behalde dette busstilbodet. Det blei samla inn 650 underskriftar, men fleirtalet i fylkestinget sa nei med knappast mogleg margin. Saka skal no opp til behandling i samferdselsutvalet.