Full fart på postkontoret

Garantifristen for å få pakkar fram til jul gjekk ut søndag. Mandag har det vore full fart på postterminalen i Breivika i Ålesund.

Sortering av julepost
Foto: Pål Kristian Lindseth / NRK

 - Eg trur folk er tidlegare ute i år, seier Jan Jacobsen. Han er Rampekoordinator på postterminalen i Breivika.

Bruker alle ressursar

Samlebanda på sentralen vil gå kontinuerleg fram til julafta kl 08.15. Og sjølv med all den teknologien som hjelper til må alle tilgjengelege hender jobbe med å få fram posten. I sorteringa står til og med terminalsjef Gunnhild Eikrem Sandnes.

Gunnhild Eikrem Sandnes

Terminalsjef Gunnhild Eikrem Sandnes må også inn i postsorteringa i tida fram mot jul.

Foto: Pål Kristian Lindseth / NRK

- Me må bruke alle ressursar me har for å få fram juleposten, seier ho.

- Det tek litt tid å setje seg inn i postnummera, fortel ho. Likevel har dei tilsette på terminalen full kontroll på nummera. Det er avgjerande for at posten skal kunne kome fram i tide.

Posten skal fram

Åndalsnes, Nordfjordeid, Tenfjord, alle postnummer hugsar dei.

- Dei er veldig flinke, dei flinkaste. Eg er mektig imponert over påståvilja, seier Eikrem Sandnes.

Rampekoordinator Jacobsen seier han aldri blir lei av pakkane.

- Me har lite tid, alt skal rekke fram til jul, seier han, og forsikrar om at dei gjer alt for at pakkane skal nå sin destinasjon før julehelga kjem.