Dermed har alle fått erstatning etter det tragiske forliset nordvest for Shetland 12. april i 2007 som kosta livet til åtte av mannskapet på 15.
I tillegg til ekteparet Emblem varsla ekteparet Kåre Bjørn Våge og kona Gudbjørg i Sande, at dei ville gå til rettsak mot reiarlaget.
Advokat for ekteparet Våge, Erik Myhr Nilsen, vil ikkje gå ut med beløpet dei har fått, men seier dei er tilfreds med at dei slepp å møte i retten.
- Dei er glade for at dei er høyrt av dei medisinsk sakkunnige i samband med skadeverknader for etterlatte etter slike ulykker, seier Erik Myhr Nilsen.
Reiarlaget Bourbon Offshore Norway i Fosnavåg på Sunnmøre har tidlegare vedtatt ei bot på fem millionar kroner, men har aldri vedgått skuld for forliset.
