- Hadde vi ikkje hatt utanlandsk arbeidskraft hadde vi ikkje kunne drive.
Så viktig er dei utanlandske arbeidarane for Roger Hofseth og fabrikken hans i Vanylven. Og dei er ikkje dei einaste som er avhengige av arbeidskraft frå utlandet. Ei landsdekkjande undersøkjing som Norut har gjennomført blant fiskeindustribedrifter - viser at ein tredel av dei tilsette er utlendingar.
Helst skulle bedriftene hatt lokal arbeidskraft, men nordmenn vil ikkje jobbe i fiskeidustrien.
- Vil heller spele PlayStation
- Ungdom vil heller vere heime å drive med TV-spel enn å jobbe, meiner fabrikkeigaren.
Foto: Bård Wormdal / NRK- Problemet er no at ungdom helst ikkje vil ha hardt arbeid. I så fall må vi knuse nokre PlayStation-boksar og få dei ut i arbeid litt tidlegare slik at dei kan handtere hardt arbeid.
Hofseth var sjølv berre 16 år då han begynte å jobbe på fiskebuene. Den gongen gjekk dei rundt på bedriftene og spurte etter jobb. I dag er det foreldra som ringjer og spør etter jobb til ungdomane.
- Initiativet er ikkje slik det var.
Prosjektleiar frå Norut, Elisabeth Angell, seier dette har blitt eit stort problem for industribedriftene.
- Det krevst mykje folk i produksjonsarbeid , og det er ikkje alltid den type arbeid som gir høgast status, seier ho.
