Ferja trafikkerer sambandet mellom Hareid og Sulesund på Sunnmøre, og politiet fekk melding om hendinga like etter 12.30.
- Begge båtane har gått inn til Hareid og ventar på ein politipatrulje der, seier operasjonsleiar Audun Vartdal i Sunnmøre politidistrikt.
Seglbåten i aluminium er frå Alaska og det var to kvinner ombord. Politiet har no gjort sine avhøyr og mykje tyder på at seglbåten braut vikeplikta.
- Plutseleg byrja ferja å fløyte
Jakob Emblem var passajer på ferja då kollisjonen skjedde.
- Eg var vel den første bilen som kom ombord og stod heilt framme. Omsider så dubba eg av. Plutseleg byrja ferja å fløyte. Så høyrde eg ein dunk i sida. Då for alle mann på dekk, og då såg vi at det var ein seglbåt, fortel han til NRK.
Ferja var tilbake i rute klokka 13.30.
Tidesund og Tidefjord går i trafikk mellom Hareid og Sulesund. Tysdag kolliderte Tidesund med ein seglbåt. (Arkivfoto)
Foto: Svein Smørdal / NRK
