Alle naudetatar rykte ut til ein bustad i sentrum, med fleire bueiningar. Politiet fekk først melding om røykutvikling.
– Det har utvikla seg til ein brann, sa Tor Andre Franck, operasjonsleiar ved Møre og Romsdal politidistrikt.
Fekk varsla alle inne
Nabolaget vart evakuert og røykdykkarar frå brannvesenet var inne i bygget og søkte etter folk, men ingen er sakna. Brannen starta i i loftsetasjen.
– Ein utanforståande har gjort ein kjempejobb med å varsle dei som var inne, seier innsatsleiar Olav Ramnefjell. Ein person er sendt til legevakta for sjekk. Vegen er stengt og det blir framleis jobba på staden med ettersløkking.
Ikkje fare for spreiing
Det er tett mellom husa i gata, men det var ikkje fare for at brannen skulle spreie seg.
–Slik som situasjonen var då brannvesenet kom fram var det ingen umiddelbar spreiingsfare, seier Kjetil Iversen, operatør ved 110-sentralen.
Brannvesenet rykte også ut på ein brann ein annan stad i Borgundvegen og der var matlaging brannårsaka. Der vert huseigar meld av politiet.