Hund varsla huseigar om brann
Ein einebustad ved Dyrkorn i Stordal blei totalskadd i ein brann i natt. Politiet fekk melding om røykutvikling frå staden like før klokka 04.00 og kort tid seinare var bustaden overtent. Det var ingen i bustaden då det byrja å brenne. – Huseigar sov i ei campingvogn ved bustaden. Han blei vekt av hunden sin og kom seg unna. Også campingvogna brann ned, seier Erik Mikalsen, operasjonsleiar i politiet til NRK. Det er så langt for tidleg å seie noko om brannårsaka. Saka blir etterforska av politiet.
