Brannvesenet fekk melding om brannen like før klokka 22.00 onsdag kveld, og rykka raskt ut til staden.
Klokka 22.45 melder 110-sentralen at låven er så godt som nedbrent og at brannvesenet er i gang med ettersløkking på staden.
Det er så langt uklart kva som er årsaka til brannen.
Blei raskt overtent
Mannskap frå Fræna og Molde brannvesen deltok i sløkkingsarbeidet.
– Låven er overtent, men ingen menneske eller dyr skal vere skadd, seier Nils Bjerknes, operasjonsleiar ved 110-sentralen i Møre og Romsdal til NRK klokka 21.55.
Har kontroll over brannen
Ifølgje operasjonsleiar i politiet Jan Helge Kjøl blei låven brukt til mellom anna oppbevaring av utstyr.
– Det var ingen dyr i denne delen av låven då det byrja å brenne, seier han.
Låven stod ikkje til å redde og brannvesenet vil gjere ei kontrollert nedbrenning av låven.
– Hovudfokuset no er å hindre at brannen spreier seg til nærliggande bygg, seier Sindre Kongshaug ved 110-sentralen til NRK i 22.20-tida.