Aksepterer ikkje vald
– Ungdommeleg dumskap avgjort med vald, aksepterer vi ikkje, seier operasjonsleiar Borge Amdam hos politiet i Møre og Romsdal etter at to gutar i tenåra gjekk laus på kvarandre i Molde sentrum i ettermiddag. Begge får eit nærmare oppgjer med påtalemakta etter episoden. Vaksne som såg det som hende, gjekk i mellom og fekk stansa slåstinga mellom dei to før politiet nådde fram til staden.
