Finalen i singelsculler i U 23 var jamn og Tale Fiskerstrand Gjørtz hadde eit håp om å kome heim med medalje. I staden enda ho på den sure fjerdeplassen.
– Vi er skuffa over at det ikkje vart medalje, men nøgd med gjennomføringa, seier trenar og far Åke Fiskerstrand.
Dårleg bane
Han meiner at Tale hadde den verste bana i dag, med mest vind og bølgjer, og han trur det kan ha kosta ho medaljen.
– Hadde ho rodd fortare under semifinalen i går, hadde ho fått ei betre bane, seier Fiskerstrand.
No skal Tale heim til Ålesund og fortsette treninga.
Neste konkurranse er EM i Italia i september.