Suel Kassembo i Herøy klagar til Europadomstolen etter at han på nytt tapte saka om opphald i Noreg.

Advokaten hans, Arild Humlen, seier at det å sende ut Kassembo av landet vil påføre han ei umenneskeleg liding, og at det strir med menneskerettane.

Kassembo har opphalde seg ulovleg i Noreg i 20 år og er landets einaste kyrkjeasylant. Klagen blir etter planen sendt seinare denne veka.