To personar til sjukehus

To personar er sende til sjukehus etter trafikkulukka på Kvalneset i Ulstein laurdag. Skadeomfanget er ukjent.

Ulukkesgruppa til Statens vegvesen er på veg til staden. Også politiet har sendt teknikarar til staden.

Det til saman tre køyretøy som er involvert i ulukka. Det vil seie to personbilar og eitt vogntog. Tunnelen er framleis stengd. Mindre køyretøy har omkøyring på den gamle vegen utanfor tunnelen. Vogntog må køyre E39 via ferjesambandet Solevåg - Festøy.