I går sa helseministeren at bygginga av nytt sjukehus i Molde tidlegast kan kome i gang om seks til åtte år fordi helseføretaket manglar pengar.
Stortingsrepresentant Rigmor Andersen Eide meiner sjukehussaka i Molde og det ho meiner er eit svik mot romsdalsregionen, er eit godt døme på kvifor helseføretaka bør leggjast ned.
- Først av alt ønkjer vi ei betre politisk styring med helseføretaka. Vi synest at helsepolitikken blir utført av føretaka og ikkje av politikarar slik det var tenkt.
Rigmor Andersen Eide meiner føretaka har fått for mykje makt. Ho meiner helse er eit område som staten og politikarane må ta seg av.
- Den forenklinga som då skjer vil redusere byråkratiet i helsetenesta og helspepengane vil i større grad bli brukt der dei skal brukast, nemleg til pasientane.