«Game of Thrones»-stjerna Kristofer Hivju er aktuell i rolla som Steinar Hovland i den svenske filmen «Beck – Steinar» som har premiere i kveld. Filmen er nummer fire av i alt åtte om politietterforskar Martin Beck. Hivju speler den moderne og empatiske representanten frå politiet i Oslo.
«Nu sitter det»
I kveldens Skavlan fortel skodespelaren om førebuingane til prøvespelinga for «Beck».
– Då eg fekk manuset såg eg at det var skrive på svensk. Då tenkte eg: «Jakob lærte seg dansk. Eg har to dagar. Eg skal lære meg svensk.»
- LES:
«Jakob» er skodespelar Jakob Oftebro, som òg er gjest i kveldens program. Han ler høgt av målsetninga til Hivju, som held fram på ei blanding mellom svensk og norsk:
– Jag repeterade och kände att nu sitter det här. Nu känner jag meg svensk. Jag kjende den der Skarsgård-känslan. Det her går hur bra som helst.
Regissøren insisterte på norsk
Men regissør Mårten Klingberg var ikkje overtydd. Under prøvespelinga foreslo Klingberg at Hivju skulle prøve å snakke norsk.
«Nei, nei, nei, eg har dette», protesterte Hivju. Til inga nytte.
– Du må snakke norsk, fortel Hivju at regissøren insiterte.
Hivju er allereie kjent for det svenske publikummet. I 2014 spelte han i filmen «Turist», eit tragikomisk drama om ein norsk/svensk familie på besøk i Alpane. For rolla som skibomsen Mats vart Hivju påskjønt for beste mannlege birolle under filmprisutdelinga «Guldbaggen».
- LES:
– Skal foreine Norge og Sverige
Trass iherdig forsøk på å snakke svensk under prøvespelinga for «Beck» enda det heile med ein mellomting.
– Det vart «Skavlan-svensk». Det er faktisk eit begrep, seier Hivju.
Programleiar Fredrik Skavlan har tidlegare fått språkpris frå Foreningen Norden, for å fremje den skandinaviske språkfellesskapen.
– Mitt målet med å gå inn i Beck-serien er å viderebringe din visjon om å foreine Norge og Sverige til eitt rike, seier Kristofer Hivju til Fredrik Skavlan.
Birkebeiner-klar
Det er ikkje berre med «Beck» Hivju er aktuell. 12. februar har filmen «Birkebeinerne» kinopremiere. Filmen er basert på historiske hendingar frå 1200-talet.
- LES:
PREMIEREKLAR: Filmen Birkebeinerne, med mellom andre Kristofer Hivju og Jakob Oftebro, har premiere 12. februar.
Foto: Torunn Myhre / NRK
