– Eg vart utruleg glad! Fekk frysningar oppover armane. Det er absolutt den største prisen eg har vunne i mi karriere, så eg er veldig stolt, seier han til NRK.
Sidan 1971 har Peer Gynt-prisen gått til personar eller institutasjonar som har utøvd samfunnsansvar og markert Noreg internasjonalt.
Prisen har tidlegare har gått til personar som Jens Stoltenberg, Gro Harlem Brundtland, Marit Bjørgen, Jo Nesbø, fotballarrangementet Norway Cup og TV-serien SKAM.
– Det kjennast ekstra spesielt å vinne denne prisen når ein ser kven andre som har fått den før meg, seier Ree.
– Ein verdig vinnar
«Ibelin» handlar om Mats Steen som hadde muskelsjukdomen Duchennes, og valde derfor å leve store delar av livet sitt som karakteren Ibelin i spelet World of Warcraft.
Saman med Cure Duchenne og Blizzard har filmen samla inn over 22 millionar kroner til forsking på sjukdommen Duchennes muskeldystrofi som Mats Steen hadde.
– «Ibelin» er ein veldig sterk film som har bidratt til at folk snakkar saman både i Noreg og internasjonalt. Filmen handlar om noko større, seier Rune Støstad, stortingsrepresentant for Arbeidarpartiet.
Rune Støstad
Leiar av nominasjonskomittéen til Peer Gynt-stiftelsen, og har vore det i tre år.
Han er leiar av nominasjonskomiteen, og dette er Noregs einaste pris som stemmast fram av Stortinget.
Det er Peer Gynt-stiftelsen som setter ned ein nominasjonskomité. Kvart år kjem det inn forslag til komiteen, og i år var det rekordmange, ifølgje Støstad.
– Benjamin Ree er ein verdig vinnar av årets Peer Gynt, seier han.
Sjølve utdelinga skjer på Vinstra 2. august.
I «WoW» dukka det plutseleg opp et minnesmerke som var helt lik ein gravstøtte på Vestre gravlund i Oslo. Slik hedrer spelet Mats «Ibelin» Steen.
