Gisselsituasjon i Mali kan vere over

Islamistiske opprørarar i Mali seier dei vil sleppe fri ei sveitsisk kvinne som blir heldt som gissel nord i landet.

Tuareg i Mali

Tuareg-opprørarar tok kontroll over det nordlege Mali etter eit militærkupp, og sidan har det vore fleire bortføringar i landet.

Foto: LUC GNAGO / Reuters

II helga oppstod det kampar mellom to opprørsgrupper på grunn av kvinna, opplyser ein sikkerheitstenestemann.

Kvinna, som er i 40-årsalderen, blei bortført førre veke i Timbuktu-regionen nordi Mali, der opprørarar har tatt kontrollen etter eit militærkupp i byrjinga av mars.

Sveitsiske myndigheiter har samarbeidd med lokale myndigheiter i Mali om å redde kvinna etter bortføringa.

Hadde planar om å selje henne

Gruppa som bortførte henne, hadde planar om å selje henne til gruppa al Qaida i det islamske Maghrib ifølgje sikkerheitstenestemannen.

– Den eine gruppa vil halde på henne, og den andre vil frigi henne, seier han.

Ifølgje ei kjelde i Timbuktu er det no islamistgruppa Ansar Dine som har kvinna, og dei skal vere klare til å frigi henne ifølgje kjelda.

Utanriksministeren i Sveits, Adrian Sollberger sa at dei har fråråda folk å reise til Mali sidan 2009 på grunn av faren for bortføring.

Fleire diplomatar bortført

Tidlegare denne månaden blei fleire diplomatar bortført i Mali.

Konsulen i Algerie og seks andre diplomatar blei bortført i byen Gao.

LES: Algeriske diplomater bortført i Mali

Nesten alle vestlege land har forlate nord-Mali sidan Tuareg-opprørarane og ei islamistisk opprørargruppe med tilknyting til al Qaida tok kontroll over området for nokre veker sidan.

Opprørarane sin kontroll over nordområda i Mali har utvikla seg etter den mangeårige presidenten blei styrta i eit kupp førre månad.

Militærkuppet førte Mali inn i ein svært ustabil situasjon.

LES: Erklærer egen Tuareg-stat i Mali

Under ein rask tredagars offensiv tok tuaregopprørarane kontroll over dei tre provinshovudstadane i Nord-Mali, Kidal, Gao og Timbuktu og erklærte uavhengigheit for det nordlege Mali.

Utvalgte dokumentarer

Fransk dokumentar. (It's hard beeing loved by Jerks)
Etter at det franske magasinet "Charlie Hebdo" publiserte Muhammed-karikaturene fra Jyllandsposten i 2006 , ble de stevnet for retten av flere muslimske organisasjoner. Denne filmen, som fikk enorm oppmerksomhet på filmfestivalen i Cannes i 2008, følger rettsaken og ble oppfattet som et massivt forsvar av ytringsfriheten. I dag er den en viktig dokumentasjon på de redaksjonelle valgene som førte til terrorangrepet 7. januar 2015.
Hvordan tjener Vatikanet sine penger og hvorfor finner vi prester anklaget for korrupsjon, hvitvasking av penger og fordekte donasjoner til prostitusjon? Historikeren og forfatteren John Dickie undersøker den katolske kirkes finanser og problemene med å tjene to herrer - Gud og pengene (Mammon).
Br. dokumentar. Dronningens lidenskaper har, ifølge butleren hennes, denne prioriteringen: hester, hunder, mann og barn. Denne dokumentaren viser for første gang det unike forholdet mellom Windsor-familien og deres elskede husdyr. (Royals & Animals)