Ifølgje Agderposten er kvinna skriven ut av Rikshospitalet. Ho er no flytta over til sjukehuset i Kristiansand for vidare oppfølging.
Den13 år gamle sonen er skriven ut frå sjukehuset i Kristiansand.
– Hjernehinnebetennelse er ein alvorleg tilstand, men vi tek alle gode nyheiter som eit positivt teikn. Mor har det etter forholda bra og guten går det greitt med. Eg håpar og trur at dette går rett veg, seier kommunelege i Froland, Thomas Bergquist til avisa.
Det vart slått full alarm i Froland i førre veke då dei to fekk påvist smittsam hjernehinnebetennelse. Tilfella vart oppdaga via legevakta i kommunen.
Tilstanden til kvinna vart beskrive som særs alvorleg då ho låg i koma. Kommunen gjekk breitt ut og informerte både skule og kommunetilsette om situasjonen.
Ifølgje Agderposten har det ikkje komme inn nye meldingar om at fleire er smitta.
