Suenjel-siidda áššegirjevuorkás leat dološ nuortalašsámi dokumenttat mat leat čállon eambbogo 400-jagi áigi.
Suenjel-siidda nuortalašarkiiva lea sámi álbmoga áššegirjjiid kulturárbbi stuorámus árdna, mas boarrásammos áššegirji lea jagis 1601 ja nuoramus jagis 1775.
Unesco máilmmemuitulisttu ulbmil lea suddjet máilmmi kultur,- ja luonddubáikkiid.
Jelena Porsanger lea ieš nuortalaš ja dutkan maid nuortalaččaid historjjá. Son lohká ahte lea njulgestaga máilmmiođas go dát nuortalaš dieđut lea seailluhuvvon 400 jagi ja dál beassan dan Unesco máilmmimuitulistui.
Porsanger muitala, ahte Gramota lei gaskaáigge Ruoššas dakkár virggálaš dokumeanta dahje virggálaš reivve, man Cára čálii. Dát dokumeanta nannii Suonjel-siidda vuoigatvuođaid numo guolásteapmái.
– Suonjel-siidda olbmot fitne guktii cára luhtte váidaleamen, ahte sii leat massigoahtán guolástanvuoigatvuođaideaset. Dalle čálii cára Stuorra Biehtár dakkár Gramota, mas nannejuvvui ahte sis leat dákkár vuoigatvuođat iežaset guovllus, čilge Porsanger.
- Loga eambbo