– Eg ventar at det vert omkamp. Det er gjort eit klart regelbrot, seier Drammen-trenar Marinko Kurtovic til NRK.no.
- LES OGSÅ: Spelte uavgjort mot Drammen
Dette skjedde
Ni sekund før full tid, på stillinga 30-29 til Drammen, fekk ein av heimelaget sine spelarar to minutt utvisning. Spelaren reagerte med å sparke til ein stol på sidelinja. Dommaren gav spelaren då raudt kort, og Drammen måtte i tillegg ta ut endå ein spelar.
Drammen stod tilbake med kun fire mann med ni sekund att å spele. Tre sekund før full tid, sikra unge David Rui utlikning og poengdeling i Drammenshallen.
– Dersom dommaren har gjort eit regelbrot, som spelar inn på utfallet av kampen, ser eg klart og tydleg at det vil bli omkamp, seier Kurtovic.
– Dommaren gjorde feil
– No er det ikkje eg som lagar reglane, men eg har lese gjennom dei og det er klart at dommarane gjorde feil når dei tok ut ein spelar til, seier han.
ØIF Arendal-trenar Leif Gautestad, frykta ikkje ein protest etter kampslutt.
– Eg har ikkje heilt oversikt endå, men dei får leggje inn ein protest om dei vil, seier Gautestad.
Handballforbundet skal no behandle saka.
