– Ein 59 år gamal mann, som har vore pasient på St. Olavs Hospital lenge, døydde i går av svineinfluensaen, seier informasjonssjef Marit Kvikne ved St. Olavs Hospital til NRK.
Tilhøyrde risikogruppe
59-åringen blei lagt inn på St. Olavs Hospital 12. oktober. Han tilhøyrer risikogruppa og har vore veldig sjuk lenge.
– Han har ligge på intensivavdelinga og vore veldig sjuk lenge. Tilstanden hans har vore svært alvorleg og ustabil, seier Kvikne.
I dag tidleg var fire pasientar innlagt på St. Olavs Hospital med svineinfluensaen.
– Ingen av desse er intensivpasientar, opplyser Kvikne.
20 døde i Noreg
På landsbasis har 20 menneske mista livet av svineinfluensaen.
Torsdag i førre veke døydde ei kvinne i 60-åra ved Stavanger Universitetssjukehus.