Det var i 04.00-tida natt til laurdag at tjuveri av to handvesker vart meldt til politiet. I den eine handveska var der ein mobiltelefon.
Eigar av telefonen brukte ein applikasjon på mobilen for å spore den opp, og politiet sette i verk etterforsking i området.
Dette førte til at telefonen vart funnen og ein mann og ei kvinne vart arresterte mistenkt for tjuveriet.
Dei to er sett i varetekt og saka blir etterforska vidare av Ålesund Politistasjon.
