Noreg har håpa at makrellkrangelen Noreg/EU versus Island/Færøyane skulle gå mot ein slutt.
- LES SAKA:
Måndag kveld blei det derimot klart at verken Island eller Færøyane er villige til å forhandle.
– Dessverre kom ein ikkje fram til eit resultat i dag. Eg er skuffa over at vi ikkje lukkast, men verken Island eller Færøyane viser reell vilje til å forhandle.
Det seier fiskeriminister Lisbeth Berg-Hansen.
– Eg legg ikkje skjul på at eg hadde forventa meir av dei, seier Berg-Hansen vidare.
Partane er langt, langt unna kvarandre
Eit endra gytemønster for makrellstimane gjorde at meir makrell kom inn i farvatna til Island og Færøyane. No har dei kravd stor auke i kvotane sine.
Fiskeriministeren vil no setje inn fleire sanksjonar mot Island og Færøyane.
Foto: Sigurd Steinum / NRKBerg-Hansen fortel at landa er altfor kravstore.
– Det er altfor, altfor langt gap mellom det Færøyane og Island meiner dei har krav på, og det vi meiner at dei i det heile tatt kan vere i nærleiken av å ha krav på.
– Du har tidlegare sagt at Island har rana til seg større andelar og kvotar. Kva skjer vidare framover når ingen avtale har kome på plass?
– Vi vil setje inn ytterlegare sanksjonar mot Island og Færøyane.
– Betyr det at EU òg vil setje inn sanksjonar?
– EU har vore i gong med den jobbinga i lang tid, og vil halde fram arbeidet. Det vil vi også.
– Kva sanksjonar er det snakk om?
– Eg kan ikkje kome innpå det no. Vi må gjennom arbeidet og kome tilbake til det, avsluttar fiskeriministeren på telefon frå London måndag kveld.
