Folk i Rauma likar ikkje at bjørnen kanskje er i nærleiken

– Ein slagbjørn går ikkje unna om du nærmar deg. Både Vengedalen, Vengetindane, Lisjefjellet og Romsdalshornet er ynda utfartsmål. Og no er det snart Fjellfestival. Kva då?, undrar Aud Inger Torvik.

Ho er éi av fleire i Rauma som ikkje likar at ein bjørn har gått laus i området. Så langt er 10 sauekadaver funne. Sauebonde Ole Morstøl får no sauene ned frå fjellet for å få ei oppteljing.

• LES OGSÅ: Klar til å skyte
• LES OGSÅ: Fellingslag skal jakte bjørn for første gong: – Vi står på bar bakke

Han har vore opp og ned frå fjellet dei siste døgna, og likar ikkje at det blir fleire og fleire morlause lam.

– I og med at det er så mange som no går utan mor, så er det greitt å få dei ned frå fjellet, seier Morstøl til NRK.

Sauene som er drepne i Isfjorden er vaksne sauer.

(Saka held fram under bildet)

SNO rår fellingslaget til å vente

Tysdag innvilga Fylkesmannen fellingsløyve på bjørnen. Fellingslag i Nesset og Rauma er oppretta, med Stein Ivar Bjerkli og Harry Magne Brude som fellingsleiarar.

Statens Naturoppsyn, eller SNO, rår no laga til å vere kalde i hovudet.

– Mitt råd til dei er at dei ikkje bør gjere noko før ein er heilt sikker på at ein har ferske spor og sporteikn. Ein må vite at dyret er i området, seier Lars Olav Lund, rovviltansvarleg i regionen for SNO.

Risikabelt arbeid

Leiar for fellingslaget i Rauma, Harry Magne Brude, meiner fellinga av bjørnen blir veldig utfordrande.

Risikabelt kan det òg bli.

– Det blir risikabelt dersom vi kjem i ein situasjon der vi berre skadeskyt bjørnen. Då veit vi at bjørnen vil gå til angrep på andre dyr. Han snur og tek andre vegen om det skjer, seier Brude.

• LES OGSÅ: Gir fellingstillatelse på bjørn

Han og fellingslaget planlegg no vegen vidare. Samstundes er stemninga avventande blant resten av folket i kommunen.

– Det er ikkje så langt til dit bjørnen var. Då her var ein moskus, som kom jo den òg heilt ned i Vengedalen. Den gjekk heilt ned i hagane!, seier Aud Inger Torvik.

– Så kvifor kan ikkje bjørnen kome same veg, avsluttar ho.