Det var i 1830-tida det skjedde ein front mot front kollisjon i ved Almestad Auto på riksveg 61 i Gursken. Politiet fekk melding om ulykka rett før klokka 1900.
I den eine bilen sat foreldra og den fem år gamle jenta, som er hardt skadd.
I den andre bilen, som var polskregistrert, sat det to personar. Føraren av denne bilen er sendt til sjukehuset i Volda med lettare skadar, opplyser politiet.
Blir tatt blodprøver
Kva som var årsaka til ulykka, er førebels uvisst, men truleg kom den polskregistrerte bilen over i feil køyrefelt. Det blir tatt blodprøver av begge i denne bilen, opplyser politiet.
Den fem år gamal jenta, som sat fastklemt i over ein halv time, måtte skjerast laus, og blei frakta med helikopter til sjukehuset i Ålesund. AMK-sentralen opplyser at tilstanden er uavklart laurdag kveld.
Vegen var ei stund stengd ved ulykkesstaden, og dette har ført til problem for ei kvinne som var på veg til sjukehuset for å føde, opplyser politiet. Ein ambulanse klarte å kome seg forbi ulykkesstaden, og tok hand om kvinna.
