I alt vart seks personar frakta til sjukehus etter brannen, men ingen fekk alvorlege skader då ein tankbil mista hengaren med 16 500 liter bensin i tunnelen. Det kom fleire eksplosjonar som følgje av brannen.
Hovland seier det kunne gått skikkeleg gale.
– Det er rein flaks at det har gått bra, nok ein gong, seier Hovland.
- Les også:
- Les også:
Minimum av tryggingstiltak
– Kva kan du seie om tryggingstiltaka i tunnelen?
– Det er eit minimum av tryggingstiltak, men det vesle som kunne fungere, har stort sett fungert, seier Hovland.
- Les også:
Tunnelen vart stengt like etter eksplosjonen og vil bli stengt til i morgon føremiddag. Då vil vegvesenet gå inn med eit røykdykkarlag for å sjekke tunnelen.
– Alt innvendig i tunnelen ser ut til å vere skrella ut, så her er mykje arbeid som må gjerast før vi set trafikk på igjen, seier han.
Slik fungerer tryggleiken i tunnelen
Skatestraumtunnelen vart opna i 2002 og er 1,9 kilometer lang. I beredskapsplanen til tunnelen er tryggleikstiltaka skildra.
Summert opp ser det slik ut:
- Det er til saman fire snupunkt, eitt til større køyretøy.
- Det er fire SOS-telefonar i tunnelen, to av dei er plasserte ved 400 og 1000 meter, dei to andre utanfor kvar av tunnelmunningane.
- Det er montert ni skåp med brannsløkkingsapparat. Av desse står eitt plassert utanfor kvar tunnelmunning.
- Det er ikkje vatn til sløkking, dette må bringast med tankvogn av brannvesenet ved utrykking.
- Det er radiodekning, men ikkje mobildekning i tunnelen. Det er installert radiosamband for redningsetatane.
- Tunnelen kan stengjast ved hjelp av raudt stoppsignal utanfor begge tunnelmunningane.
- Tunnelen er utstyrt med til saman fire ventilasjonsvifter i kvar ende av tunnelen.
