Dette viser tal frå Norsk institutt for landbruksøkonomisk forsking. Håvard Øyrehagen i Norsk sau og geitalslag i fylket er fortvila over situasjonen.
– Ei slik timeløn går det ikkje an å leve av. Driftseiningane blir større og større og det blir færre og færre sauebønder, seier han.
- LES OGSÅ:
- LES OGSÅ:
Låg lønsemd
Bøndene var så skuffa over årets tilbod frå den raudgrøne regjeringa at dei braut jordbruksforhandlingane. Staten sitt framlegg om eit årleg lønshopp på 12 000 kroner vart dermed vedteke utan endringar.
Regjeringa viste til at bøndene har hatt ei historisk bra lønsutvikling dei siste åra. Men ser ein på den reelle situasjonen, er ikkje lønsnivået mykje å rope hurra for.
Heidi Knudsen i Norsk Institutt for landbruksøkonomisk forsking seier det er spesielt innan saueproduksjonen at timeløna veldig låg.
– Den er knappe 57 kroner i timen. Sauehald har hatt låg lønsemd i ei årrekkje, seier ho.
- LES OGSÅ:
- LES OGSÅ:
3000 timar i året
Mjølkebøndene tener ein god del betre enn sauebøndene, men ei brutto timeløn på litt over 100 kroner er heller ikkje noko å bli feit av. Fleire og fleire vil ikkje jobbe for så låg løn. er mjølkebonde Bente Akselsen frå Jølster.
– Vi ser ikkje nokre framtidsutsikter, økonomien er altfor dårleg.
Arbeidsinnsatsen på eit gjennomsnittleg vestlandbruk ligg på om lag 3000 timar i året og lønsnivået er ein god del lågare enn landsgjennomsnittet. Heidi Knutsen seier det er ulike årsaker til dette.
– Det er mange små og tungdrivne, bratte einingar på Vestlandet, seier ho.
- LES OGSÅ:
- LES OGSÅ: