Bøndene kan eigentleg ikkje streike

Torsdag gjekk 25.000 offentlege tilsette ut i streik , og både barnehagar, sjukeheimar, fengsel og kommunar blir råka.

• LES OGSÅ: Trappar opp streik over helga
• LES OGSÅ: Stor streikevilje i Førde - vil ikkje råke vanlege folk

For kort tid sidan braut bøndene jordbruksforhandlingane . Men streik er i praksis ikkje noko alternativ for å nå fram med sine krav mot staten.

– Etter brotet i jordbruksforhandlingane aksjonerte bøndene mot staten, men å leggje ned arbeidet ville berre ha råka bøndene sjølve, seier Martin Braanaas Kleppe, leiar i småbrukarlaget i Sogn og Fjordane.

Ville forverra

lambinga er i full gang på garden, og arbeidet er noko fylkesleiaren i småbrukarlaget må gjere.

Uansett om bøndene meiner dei får for lite tilskot frå staten eller ikkje.

• LES OGSÅ: Bønder tok med seg ordførarane
• LES OGSÅ: Bøndene takka nei til 300.000 kroner per årsverk

– Ein streik for oss ville innebere at eit samla jordbruk måtte lagt ned sin aktivitet for eit visst tidspunkt, og ikkje ville fått seld varene sine. I botn og grunn ville vel det først og fremst forverra økonomien til bøndene, seier han.

(Artikkelen held fram under TV-saka)

Skeptisk til måten

Aksjonerte var også noko bøndene gjorde.

Dei viste si misnøye med å stengje vegar , kjøpe opp brød og reiste i hopetal til Oslo for å demonstrere .

• LES OGSÅ: Bønder stengde fjellovergang - vart truga med pryl

– Eg byrjar å bli meir og meir skeptisk til heile jordbruksforhandlinga på den måten der, for det viser gang på gang at jordbruket ikkje har noko reell makt eller noko reell moglegheit til å seie kva vi meiner og nå fram med det, seier Braanaas Kleppe.

Tek lengre tid

Også dei kommunetilsette i Førde er misnøgde med det som det offentlege vil tilby dei i lønn. For dei streikande er papirarbeid bytt ut med kaffi og vaflar.

Elles i landet er barnehagar allereie stengde, innsleppte slept ut frå fengsel og eldreheimsbebuarar råka.

– Folk vil nok merke at ting tek lengre tid. Dei vil kanskje ikkje få svar like fort som dei elles ville, seier fylkesleiar i Fagforbundet, Solveig Løvik Norevik.

Nyttar ikkje å streike

Ein av dei som streikar i Førde, Kåre Åsnes, trur ikkje det vil nytte for bøndene å bytte ut arbeidet med kaffi.

• LES OGSÅ: Sinte bønder seinka trafikken
• LES OGSÅ: Sognebønder på "sytebane"

– Det er ikkje noko som ser om ein bonde set seg utanfor fjøset sitt og ikkje gjer noko. Bøndene er nøydde til å aksjonere for å vise seg fram. Vårt siste våpen er å gå ut i streik, og det er eit våpen som ein ikkje bør bruke utan at det er naudsynt. Men når ein ikkje vinn fram med krava sine, så er det ein måte å vise at ein er usamd, seier han.

(Artikkelen held fram under TV-saka)

Har ikkje reelt pressmiddel

– Vi kan demonstrere og markere oss som vi har gjort no og fått veldig godt fokus på landbruket generelt, men det er eigentleg ikkje godt nok når vi veit at det tilbodet vi har kasta frå oss det vil gå til stortinget og truleg bli banka igjennom.

• LES OGSÅ: 2000 bønder inntek Oslo i protest mot Regjeringa
• LES OGSÅ: Bøndene sperra parkeringsplassane

På garden til Braanaas Kleppe kjem sauene når han tuslar mot dei med kraftfôret. Dei vil få mat og pleie av bonden, uansett om Staten aukar tilskotet eller ikkje.

– Har de eigentleg noko press overfor staten i forhandlingar?

– Nei, vi har eitt krav som vi legg fram. Så er det opp til statens gode vilje kva vi får i tilbod.