Med sauebjøller i Oslo-gatene

Klokka 12.45 starta dei marsjen frå Landbrukets Hus via Stortinget til statsministerens kontor for å syne kor misnøgde dei er med tilbodet dei frekk frå Staten i årets landbruksoppgjer.

• LES OGSÅ: 2000 bønder inntek Oslo i protest mot Regjeringa
• LES OGSÅ: Sinte bønder seinka trafikken
• LES OGSÅ: Navarsete: - No er løpet er køyrt

(Artikkelen held fram under biletet).

Med sauebjøller som særpreg

Mellom dei som tok turen var tre generasjonar Flatjord frå Stardalen i Jølster, Marit Flatjord, dottera Inger Birgitte Flatjord Kjøsnes og dotterdottera Ingeborg. Inger Birgitte fortel på telefon frå toget at dei blir godt mottekne av folk i Oslo.

– Dei smiler og viser tommelen opp, vi har ikkje sett mange sure ansikt enno. Her er det bra liv, alle bøndene frå Sogn og Fjordane stiller med sauebjølle, og det merkast i Oslo-gatene akkurat no.

(Artikkelen held fram under biletet).

– Trur du det har noko effekt at de går og demonstrerer i Oslo-gatene?

– Det er vanskeleg å seie, men det viser iallfall igjen, vi er mange, og vi viser at vi meiner det vi seier. Det er viktig å få seie det på ein skikkeleg måte.

Toget passerte Stortinget klokka 13.30, for så å ende opp ved statsministerens kontor. der er det eit program på rundt ein time med appellar og musikalske innslag.