Seksjonsleiar Tormod Gausdal i Statens vegvesen er uroa over rapporten frå årets første månad.
Rett nok vart det kontrollert fleire køyrety i januar i år enn i fjor, men dette kan likevel ikkje åleine forklare den veldige auken, seier han.
- LES OGSÅ:
– 37 er alt for mange, dette er grove brot, seier han til NRK.no.
– Langt over grensa
Trygge forhold på vegen for alle er noko av det aller viktigaste for Vegvesenet. Ein viktig del av arbeidet skjer gjennom kontrollar av tunge køyrety, på kontrollstasjonen i Lærdal stoggar dei kvart år tusenvis av vogntog og semitrailerar.
- LES OGSÅ:
Kontrollstasjonen her ligg midt mellom Oslo og Bergen, og i rundkøyringa like ved reknar ein med at det kvar dag rundar over 650 tyngre køyrety.
Rapporten for kontrollaktivitet i januar gir grunn til uro meiner Gausdal. Han likar svært dårleg at talet på sjåførar som har blitt politimelde nesten har dobla seg i høve same månad i fjor.
- LES OGSÅ:
– Dette er mykje. For å bli politimeld skal du ha gått langt over grensa. Då er det ikkje berre å rette opp att i ting, då har ein gjerne visst om problemstillinga i det ein har lagt ut på vegen, seier han.
– Tøff tid for bransjen
Sjølv om kontrollørane til Vegvesenet er stadig oftare på plass på kontrollstasjonen, kan ikkje det åleine forklare den veldige auken, meiner han.
Han trur auken i talet på både politimeldingar, bruksforbod og gebyr for overlast heng saman med at bransjen har det tøft.
- LES OGSÅ:
- LES OGSÅ:
– Vi har fått fleire folk og er her oftare, og det kan hende vi er blitt flinkare. Men det kan også tyde på at situasjonen på vegane er blitt tøffare for dei som driv med transport, seier han og utdjupar.
– Konkurranseforholda er tøffare, det er sett ut på anbod og det blir pint ned.
– Kanskje er freistinga stor til å gjere ting ein ikkje burde gjere, seier Gausdal.
Resultat frå kontrollane (tal frå 2012 i parentes):
- Tal kontrollerte køyrety 490 (311)
- Tal med skriftlege manglar 212 (113)
- Tal bruksforbod 205 (129)
- Tal politimeldingar/skriftlege rapportar 37 (19)
- Tal vektgebyr etter overlast 36 (23)
(Artikkelen held fram under biletet)
Brot på kviletida
Av dei 37 førarane som er politimelde gjeld fire av dei tilfelle der sjåføren har blitt stogga med betydeleg overlast. I 20 av sakene er det snakk om alvorlege brot på køyre- og kviletida.
Sjåførane er mellom anna pålagde ei kviletid på minimum ni timar i løpet av 24 timar.
- LES OGSÅ:
– Ein del av brota vi ser er grove.
– Når du ser førarar som har køyrt i 26 timar, og hatt den lengste pausen på ein time, då trur eg kven som helst hadde vore sliten og hatt nedsett reaksjons- og observasjonsevne, seier Gausdal.
Førarkortbeslag
Dei siste 13 er saker om andre forhold, som til dømes det å ikkje stogge for kontroll. Mangle førarrett eller manglande yrkessjåførkompetanse, eller andre brot i forhold til reglar for bruk av køyretyet.
- LES OGSÅ:
Av dei 37 sjåførane som er politimelde har fem av sjåførane allereie fått inndrege førarkortet. Alle er utanlandske førarar og hadde brote køyre- og kviletida.
– Dei norske førarane får sine saker handsama i ordinær saksgang og er dermed ikkje avgjort enno, forklarar Gausdal.
Appellerer
Han lovar at Vegvesenet skal halde oppe trykket på kontrollar i månadene framover, men håpar sjølvsagt at trenden skal snu.
– Vi må berre følgje opp kontrollane, men samtidig vil eg appellere til transporteigarane og til transportørane som driv med dette.
– Vi er nøydde til å ha fokus på tryggleik i trafikken, er den innstendige bøna hans.