Hopp til innhold
Røyksopp 5
Foto: (c) Roy Bjørge

Kultur i Vestland

Oppsummert

Siste nytt om kultur i Vestland.

  • Utsiktspunkt i Førde får kritikk

    Det nye utsiktspunktet over Førde, Vidsyn, får kritikk får manglande sikring, det skriv Firda.

    Utan sperre eller avgrensing kan ein enkelt klatre opp på Vidsyn. Det høgste punktet er over 6 meter. Det er eit "klatring forbode"-skilt, men folk er redd for at unge ikkje bryr seg om dette.

    Fleire reagerer etter å ha sett born klatre på utsiktspunktet utan at det er noko form for sikring.

    Det nyopna utsiktspunktet er allereie blitt ein populært møtestad. Det er plassert på veg opp bystien til Hafstadfjellet, nokre minutt gange frå Førde sentrum.

    Vidsyn utsiktspunkt Førde
    Foto: Steinar Lote / NRK
  • Over 24 000 besøkande på Norsk Countrytreff

    Etter fem dagar med countrystemning og strålande vestlandsvêr kan Norsk Countrytreff på Breim skilte med ny publikumsrekord med over 24 000 besøkande. Det er ein forbetring frå fjorårets rekord som var på 21.300.

    – Vi er veldig stolte over å få dette til og det har vore nokre fantastiske dagar utan noko form for bråk. Det skal nesten ikkje gå an med så mange besøkande, seier festivalsjef Vegar Sårheim.

    Han takkar alle frivillige som har delteke for å få gjennomført countryfestivalen. Neste år feirar Norsk Countrytreff 30 år og har allereie byrja å planlegge jubileumsfestivalen.

    – Vi er godt i gong, men vi kan ikkje bli så mykje større enn vi er no. Vi held til på Breim og har nokre fysiske avgrensingar, seier Sårheim, som fortel at motivasjonen er på topp etter ein vellukka festival.

    Norsk Countrytreff 2019
    Foto: Runar Sandnes
  • Ung førdianar i finale under Moldejazz

    Den unge trompetisten Kristina Fransson frå Førde er tatt ut til å spela finale i Jazzintro 2024 saman med bandet Coincidences under årets Moldejazz 17. juli.

    Dette er eitt av fire band som skal konkurrera om tittelen Årets unge jazzmusikere 2024.

    Vinnaren får også ein lanseringspakke frå Norsk jazzforum med festivalturné og eit tilrettelagd mentorprogram.

    Dei fire finalistane Bliss Quintet, Schemes, Coincidences og Sondre Moshagen Lightning Trio er plukka ut blant rundt hundre band.

    trompetisten Kristina Fransson fra Førde saman med bandet Coincidences
    Foto: Arild Schei / Dokkhuset
  • Riksantikvaren gir 250.000 for å styrke frivilligheten i Vestland

    Riksantikvaren gir nå 250.00 kroner til Norges kulturvernforbund for å styrke frivilligheten i Vestland fylke. Det skriver de i en pressemelding. Kulturvernforbundet vil samordne det frivillige feltet for å skape bedre samarbeid mellom de frivillige og det offentlige, og museum og arkiv.

    De frivillige på kulturvernfeltet har generelt hatt en svakere regional organisering enn for eksempel i idretten. Dette vil kulturvernforbundet gjøre noe med.

    – Vi synes dette er en spennende satsing, sier seksjonssjef Jarle Vaage hos Riksantikvaren

  • Funne restar frå sju individ i 4000 år gammal grav

    Førebelse analysar viser at det var sju individ i den 4000 år gamle grava som blei funnen på Seljesanden, det skriv Fjordenes Tidende.

    Universitetet i Bergen er i gong med kjemiske analysar av skjeletta som er funnen i grava, som er like gammal som pyramidane i Egypt.

    Funnet har fått stor merksemd internasjonalt, og ifølge dei første undersøkingane syner det å vere seks menn og ei kvinne som var gravlagt på den gamle hotelltomta på Seljesanden.

    Utgraving Selje

    Sensasjonelt funn av 4000 år gammal grav

    Arkeologar har gjort «det mest spennande steinalderfunnet i Noreg på meir enn 100 år». Grava er like gammal som pyramidane og kastar ljos over dei første jordbruka i landet.