Meiner ny organisering har gitt betre politiberedskap i fylket

Sidan januar 2011 har politiet i Sogn og Fjordane hatt ei prøveprosjekt, der dei har delt politidistriktet inn i tre driftseiningane.

Dette har gitt gode resultat, meiner konstituert politimeister Ronny Iden. Han seier mange fordelar med denne inndelinga.

– Vi meiner dette har gitt ei betre ressursutnytting, større fleksibilitet i forhold til vaktsamarbeid. Det har gitt betre beredskap totalt sett og større moglegheiter til å satse på spesialfunksjonar.

• LES OGSÅ: Politi-fylket blir delt i tre einingar

Tillitsvalde vil vite meir

Dei tre politieiningane, Nordfjord, Sunnfjord og Sogn, har hatt kvar sin leiar. Dette er ein av lensmennene i regionen.

Driftseiningsleiaren har hatt ansvar for å planlegge, samordne og styre ressursane innanfor eininga. Samtidig har lensmannskontora halde fram som før.

Tillitsvald Kjetil Drange i Politiets Fellesforbund seier ordninga har fungert bra, men vil samtidig gjerne ha meir dokumentasjon.

– Vi har vore positive til denne inndelinga, og vi har gode resultat.

– Men eg stiller spørsmålet, har vi fått ein betre beredskap på bakgrunn av regioninndelinga?

– Du er ikkje sikker på det?

– Eg har ikkje blitt vist tal som tyder på det, seier Drange.

• LES OGSÅ: Politiet ventar med å tilsetje folk
• LES OGSÅ: Får sju nye politifolk under seg i år
• LES OGSÅ: To tenestemenn her vil kutte responstida kraftig

Avviser sniksamanslåing

Tidlegare politimeister i Sogn og Fjordane, Johan Brekke, signaliserte ved fleire høve at han ville ha færre lensmannskontor i fylket.

• LES OGSÅ: 10 lensmannkontor kan forsvinne
• LES OGSÅ: Politiet har fått mykje meir pengar - men ikkje fleire tilsette

Konstituert politimeister Ronny Iden avviser at ordninga med ei tredeling er ei sniksamanslåing.

– Dette er for så vidt ein anerkjent måte å organisere politiet på. Det er mange politidistrikt som har gjort det same, men vi kan ikkje gå lenger enn dette, seier Iden til NRK.no.