E39 splittar fylkespolitikarane

Når saka skal opp til debatt på fylkestinget neste veke, ser det ut til å gå mot daudt løp mellom Anda–Lote og E39 via Stryn.

Statens vegvesen går for ein indre trasé .

• LES OGSÅ: Politikarar reagerer på innblanding
• LES OGSÅ: Gjekk i tottane på kvarandre

– Det er ingent i fylket tent med. Uttalen frå fylkestinget som seier 50/50 til begge framlegga, er det same som ingenting, seier Nøringset.

Daudt løp

Fleirtalet i samferdsleutvalet seier seg også viljuge til å bruke bompengar for å framskunde vegen med bru over Nordfjorden.

• LES OGSÅ: Står beint mot kvarandre i E39-saka
• LES OGSÅ: – Alle E39-alternativ er aktuelle

Slik stoda er no, går truleg 18 av representantane på tinget inn for Anda–Lote. Ein mindre, 17 i talet, går for vegen via Stryn. I Senterpartiet er ni av ti samde om ein midtre trasé.

• LES OGSÅ: Hareide vil ikkje avskrive alternativet med E39 via Anda-Lote

– Vi går for K4, altså S-en som Stortinget har vedteke, seier partileiar Jenny Følling i Senterpartiet.

(Artikkelen held fram under TV-saka)

Ap vil ha Stryn

I Arbeidarpartiet ynskjer ti av 11 at vegen skal gå gjennom fylkesleiar Nils P. Støyva sin kommune, Stryn.

– Slik at Ap-gruppa går for indre linje, seier Støyva.

• LES OGSÅ: Transportverksemder jublar over E39
• LES OGSÅ: Stort engasjement rundt vegvesenet sitt val av trasé for E39

To representantar frå Venstre og to frå SV har framleis ikkje bestemt seg. Nøringset er ein av dei, men han veit kva han ynskjer.

Går midtre trasé

– For min del skulle eg gjerne sett to klare alternativ. Den i indre over Stryn, og Lote–Anda som den andre med direkteføring frå Lote til Volda. Eg er veldig skeptisk og likar veldig dårleg den omvegløysinga med S'en til Kviven og Hornindal før den går nordover att til Volda, seier han og trur ei slik løysing ikkje blir godteken i Oslo.

Under dagens møte i samferdsleutvalet, vart det klart at fleirtalet på fem går for Anda–Lote, og S-sving vidare til Kviven.

(Artikkelen held fram under kartet)

– Andre må velje for oss

Mindretalet på fire ynskjer seg bru til Svarstad i Stryn.

Med delte synspunkt frå dei to største partigruppene blir det vanskeleg å semjast. Nøringset håpar likevel at partia i løpet av veka klarer å samle seg om ei avgjerd som blir til det beste for fylket.

– Politikken burde av og til vere slik at ein på trass usemje kunne klare å finne ei felles løysing. Det trur eg ville tent fylket. No blir det såpass strid at andre får velje løysinga for Sogn og Fjordane, meiner Nøringset.

To framlegg

Då saka vart handsama i utvalet måndag, lanserte Sp, KrF og Høgre ved Olin Johanne Henden framlegget som fekk flest røyster.

Det er også same trasé som Stortinget tidlegare har vedteke for E39, og prioriteringane som er lagde i Stamvegutvalet for E39.

Med andre ord ombygging av dagens E39 via Lote og Kvivsvegen, med bru Anda - Lote.

– Må stå samla

Mindretalet gjekk for eit framlegg frå Høgre, Arbeidarpartiet og Framstegspartiet om ein tunnel under Utvikfjellet og bru over til Svarstad og vidare inn på Kvivsvegen.

• SJÅ: Framlegga i sin heilskap

Samstundes oppmodar dei fylkestinet for å gå inn for ei mellombels betring av ferjefrekvens på sambandet Anda - Lote med 20 minuttars frekvens på dagtid.

– Når endeleg vedtak er gjort, startar kampen om å få fleire samferdslekroner til utbetring av E39 gjennom Sogn og Fjordane. Når avgjersla er teken, må alle stå samla om å få fram gode prosjekt langs E39, seier hovudutvalsleiar Arnstein Menes