– Det er viktig at vi gjer det vi kan, seier styremedlem Henriette Sunde i Sogn og Fjordane Bondelag.
Situasjonen er så prekær at brannvesenet fleire stader til og med har sett foten ned for grilling på strendene. Direktoratet for samfunnstryggleik og beredskap følgjer situasjonen tett, og ber folk vere svært forsiktige.
KLAR: Erlend Brede Fossen håpar mange bønder gjer det same som han.
Foto: PrivatI Viksdalen i Sunnfjord har bonde Erlend Brede Fossen torsdag ettermiddag fylt opp 8500 liter på gyllevogna si. Slik håpar han å kunne stå klar om brannvesenet i området treng hjelp.
– Eg føler eit visst ansvar. No står gyllevogna klar med vatn, så då sparar eg dei minuttane om det skulle skje noko, seier Fossen.
Berga hus med vatn frå gyllevogner under storbrann
Då brannvesenet i 2014 frykta at storbrannen i Lærdal skulle spreie seg til heile busetnaden på Lærdalsøyri, spelte bøndene sine gyllevogner ei stor rolle.
Brannmeister Guttorm Gullaksen i Lærdal trur det kan bli svært viktig om mange bønder står klare med vassfylte gyllevogner i tida framover.
– Gyllevogner fylte med vatn er kjempebra. Då det brann i Lærdal gjorde bøndene ein veldig viktig jobb.
- Les også:
VAR MED Å SLØKKJE BRANN: Svært mange bønder i Lærdal var med i arbeidet for å få sløkt storbrannen i januar 2014.
Foto: Jan Erikstad– Dei vil vere veldig viktige
Vaktleiar Frode Eide seier dei stadig vekk må få hjelp av bønder med gyllevogner fylte med vatn.
STOR SKOGBRANNFARE: Her er eit helikopter i aksjon over øya Ombo i Ryfylke der det brann tidlegare i veka.
Foto: Øystein Otterdal / NRK– Det er veldig tørt no, og behovet for vatn er stort. Bønder med gyllevogner er ofte veldige nære til der ting skjer, og er viktige i ein tidleg fase.
Mange bønder har i dag store gyllevogner som på få minutt kan fyllast opp med tusenvis av liter med vatn. Eide er ikkje i tvil om at desse kan utgjere ein forskjell om det byrjar brenne i det knusktørre terrenget.
– Absolutt, dei vil vere veldig viktige. Vognene er store og rommar mange liter vatn, så det vil vere til veldig god hjelp.
- Les også:
- Les også:
Ber bønder over heile landet fylle opp
Bondelaget håpar å nå ut til mange av sine medlemmer med oppmodinga. Pressekontakt Lise Boeck Jakobsen seier bøndene landet rundt har ei viktig rolle for beredskapen slik skogbrannfaren er nett no.
– Vi har bønder spreidd over heile landet. I mange tilfelle vil dei vere dei næraste til å hjelpe om det skulle byrje brenne. Vi oppmodar bønder over heile landet om å gjere dette.
, og Sunde i Bondelaget i Sogn og Fjordane minner om at bøndene må fylle vatn frå kjelder der det ikkje er restriksjonar.
– Det viktigaste for oss er å vere klare om noko skulle skje, seier ho.
OPPMODING: Bondelaget ber bønder som bur i område med stor skogbrannfare om å fylle opp gyllevognene sine med vatn. Sauebonde Erlend Brede Fossen i Sunnfjord har allereie følgt oppmodinga.
Foto: Privat