Klima og miljø blir vekta med 30 % i offentlege innkjøp

Regjeringa skjerpar krava for å vareta klima- og miljøomsyn ved offentlege innkjøp. Det offentlege kjøper varer og tenester for rundt 740 milliardar kroner i året.

– Noreg skal meir enn halvere utsleppa innan 2030. For å få til det må vi spele på lag med næringslivet og ta i bruk alle gode verkemiddel, seier næringsminister Jan Christian Vestre.

Ei undersøking frå Riksrevisjonen frå 2022 viste at det offentlege i for lita grad bruker innkjøpsmakta si til å minimere miljøbelastninga og framme klimavennlege løysingar.

Regelendringane gjeld klima- og miljøreglane i innkjøpsregelverket, og trer i kraft 1. januar 2024.