40 studentar som har sitt siste studieår i Aust-Afrika skal lære av Linda Wike Ljungblad. Til dagleg jobbar ho ved Universitetet i Søraust-Noreg.
Forskjellane på oppfølginga av gravide i Noreg og Tanzania er store, fortel ho.
– Dermed vil det naturleg også påverke utfallet når barnet fødast. Fordi dei ikkje har kunna følge opp og gi den rette rettleiinga og behandlinga for kvinner gjennom heile svangerskapet.
Meiningsfullt
Engasjementet blant studentane er stort, fortel Ljungblad. Med seg på reisa har ho også med seg studentar ved Universitetet i Stavanger.
Spesielt dei tanzanianske studentane opplever oftare å måtte ta i bruk gjenoppliving i praksis enn dei norske.
– Dei synest det er nyttig og viktig at dei får trene på det for å bli gode på ferdigheitene. I tillegg vil dei lære dette vidare til eigne kollegaer og bruke i klinisk praksis.
– Kva gir det deg å lære bort dette?
– Det er meiningsfullt. Dei synest det er nyttig å ha ein forenkla guide for å trene på ferdigheitene i gjenoppliving av nyfødde barn.
Programmet har fått finansiering frå Laerdal Foundation i Stavanger. Dei har også fått med seg dokker som dei øver på.
Foto: Privat- I 2020 lova regjeringa betre oppfølging av kvinner som har opplevd abort. Tre år seinare er det lite betring, meiner fleire.
Utvekslingsprosjekt i Tanzania
Universitetet i Stavanger har eit internasjonalt utvekslingsprosjekt, der studentane reiser på utveksling til Tanzania. Her lærer landa av kvarandre.
Christina Furskog Risa er programrettleiar for jordmorutdanninga ved Universitetet i Stavanger. Under Ljungblads doktorgrad var ho birettleiar.
Linda Wike Ljungblad og Christina Furskog Risa er i byen Moshi i Tanzania på Kilimanjaro Christian Medical Center.
Foto: Privat– Eg såg verdien av det ho hadde utvikla, og så har vi planlagt eit prosjekt og søkt midlar for å prøve ut det saman med studentane våre.
Ho meiner det er mykje som fungerer bra i Tanzania, men at det er også er noko som kan forbetrast. Blant anna å trene meir og reflektere saman.
– Det er fint å sjå korleis dei samarbeider og har ei felles interesse for at så mange barn som mogleg ikkje skal trenge å bli gjenoppliva, seier ho.
Å redde liv
Det er fint at doktorgradsavhandlinga har fått ringverknader rundt om i verda, meiner Ljungblad.
Ho set stor pris på at kunnskapen som informantane i studien har bidratt med, kan gi ei større meining til mange fleire jordmorstudentar.
– Og vidare til å hjelpe til å redde liv, som er ei større utfordring i Tanzania enn i Noreg.
