– Tre demonstrantar vart skotne og drepne, og ein fjerde person vart påkøyrd og drepen, sa helseministeriet i Tunisia i dag.
Dette, pluss 49 skadde og store materielle skadar, vart resultatet etter gårsdagens demonstrasjonar i den tunisiske hovudstaden Tunis. I dag fordømmer regjeringa åtaket på USAs ambassade i landet.
- LES ÒG:
- LES ÒG:
– Me hadde forstått og delt demonstrantanes sinne dersom dei protesterte fredfullt. Det hadde vore i deira fulle rett, seier Moncef Marzouki, Tunisias president, og held fram:
– Men å gå til åtak på ein venleg nasjon står me sterkt imot, og me fordømmer åtaket totalt.
(Artikkelen held fram under biletet.)
Han leiar regjeringa i Tunisia etter at islamistpartiet El-Nahda vann valet i fjor. Det var det fyrste parlamentsvalet i Midtausten- og Nord-Afrika-regionen etter den arabiske våren.
Regjeringa understreka i dag at slik vald kan hindre prosessen fram mot demokrati. Tunisia levde i fleire tiår under eit strengt diktaturregime.
Støre fordømmer åtak på diplomatiske stasjonar
– Norge fordømmer dei siste dagars åtak på vestlege diplomatiske representasjonar. Slike valdshandlingar kan ikkje under noko omstende verte forsvara, seier utanriksminister Jonas Gahr Støre i ei pressemelding i dag.
Han meiner at tryggleik for diplomatiske representasjoner er grunnleggende for eit fungerende diplomati.
– Vertslandet har etter folkeretten ansvar for tryggleiken til utanriksstasjonar og deira tilsette, sier Støre, som oppfordrar til fredelege demonstrasjonar dersom ein vert krenka:
– Ytringsfridomen er ein grunnleggande menneskerett. Samstundes stiller eg meg kritisk til provokasjonar som har eit uttrykt formål om å provosere menneske si tru. Retten til å demonstrere er ein viktig del av det demokratiet som stadig fleire arabiske land søkjer mot. Men det må skje fredeleg, og all bruk av vald må verte fordømt, seier Støre.
- LES ÒG:
(The Associated Press)