Pentagon reknar med at kostnadane ved å stenge fengselet og bygge eit nytt i USA vil vere 600 millionar dollar, inkludert 350 millionar i byggekostnader. No ber Det kvite hus om revisjon av planen, ifølge Wall Street Journal, som trur at dette blir president Barack Obamas siste forsøk på å nå målet sitt om å stenge det omstridde anlegget.
- Les også:
– Stenging er framleis ein prioritet
Kritikken har vore sterk mot fengselet, og i dag kjem Human Rights Watch med ein rapport der dei ber Obama tiltale fleire i Bush-administrasjonen for tortur.
Men planen om å stenge Guantánamo har fått motstand i Kongressen. Seinast sist veke signerte Obama ein ny forsvarslov som vil gjere det vanskelegare å stenge fengselet, sjølv om presidenten la til at han om naudsynt vil overprøve Kongressen.
– Guantánamo er stadig ein rekrutteringsbase for jihadistar. Det er noko som må stoppast, det går imot det vi står form, og eg vil forsvare denne idéen heilt til min siste dag som president, sa han til den franske tv-kanalen iTélé sist veke, der han understreka at stenging av Guantánamo framleis er ein prioritet.
Usikker skjebne for dei 107 innsette
– Nokre av dei innsette har vorte avhøyrde på måtar som går mot våre verdiar. Dette gjer det vanskeleg å føre desse sakene for normale domstolar og følge vanlege rettsprosedyrer, sa Obama.
- Les også:
Fleire av dei innsette har vore halde der i fleire år utan dom, og i dag skriv The Guardian om at ein har helde ein mann frå Jemen der i 13 år i tru om at han var ein trenar for al-Qaida. Dette viser seg å vere feil.
Og dei som får dommar vert dømde av militærdomstolar, kritisert for å vere politiserte. Seinast i går vuderte ein federal domstol legitimiteten av ein tidlegare dom mot ein av Osama bin Ladens medierådgivarar.
I tillegg er det eit ope spørsmål kvar ein skal gjere av dei 107 attverande innsette. Kongressen forbyr administrasjonen å overføre dei til USA, skriv Die Welt. I tillegg vert 59 av dei innsette rekna som for farlege til å flyttast ifølge Wall Street Journal.