- Dette er eit av dei største varpa vi har gjort i kampen mot mafiaorganisasjonane dei siste åra, seier ein gledesstrålande innanriksminister Roberto Maroni.
Statsråden med det overordna ansvaret for kampen mot mafiaen meiner det er liten tvil om at Raccuglia var nummer to i Cosa Nostra-organisasjonen.
LES OGSÅ:
LES OGSÅ:
LES OGSÅ:
Corleone-klanen
Han tilhøyrer den vidkjende Corleone-klanen, som er gjort kjend gjennom blant anna dei tre "Gudfaren"-filmane, og han er høgt opp på lista over dei 30 mest ettersøkte i Italia.
Raccuglia har vore på flukt i 15 år då han vart arrestert i utkanten av byen Calatafimi iTrapani-regionen på Sicilia. Han skjulte seg hos eit ektepar som tidlegare ikkje har vore i kontakt med politiet.
Aksjonen mot han kom som lyn frå klar himmel for Raccuglia. I løpet av kort tid i går ettermiddag hadde tungt væpna politi omringa huset der han oppheldt seg. Han prøvde å flykte frå balkongen i husværet, men hadde ingen sjanse mot politiet.
Naboar fortel om eit gigantisk politioppbod.
Dømd for tenåringsdrap
Domenico Raccuglia ertidlegare dømd til livsvarig fengsel for minst fem drap og for fleire andre alvorlege forhold. Den verste saka er drapet på ein 14 år gammal gut, sonen til ein mafia-avhoppar.
14-åringen vart kidnappa i 1993. Han vart halden som gissel i to år før han vart drepen. Etter drapet vart liket dumpa i eit syrebad.
Domenico Raccuglia går under tilnamnet "Veterinæren". Dette namnet skal han ha fått fordi han er så glad i dyr, spesielt kattar og hestar. Trass i at han er ein dyrevenn er han også illgjeten for råskapen sin, spesielt i indre oppgjer innan mafiaen og mot avhopparar og familiane deira.
Legendarisk mafiatopp
- Han var ein av dei verkeleg legendariske mafiatoppane. Folk trudde det var umogleg å arrestere han, seier sjefen for antimafiaorganisasjonen Libera på Sicilia. Han kallar gårsdagen ein stor dag dag i kampen mot organisert kriminalitet.
No rettar politiet på Sicilia augene mot ein enda mektigare Cosa Nostra-leiar på frifot, Matteo Messina Denaro.
Politiet sine mange arrestasjonar av mafiatoppar det siste året viser at ingen av leiarane lenger kan kjenne seg trygge på gøymestadene sine.
LES OGSÅ:
LES OGSÅ:
LES OGSÅ: