Som vanleg når Nord-Koreas stassjef er på reisefot, skjer det mest mogleg diskret. Og korkje nordkoreanske eller kinesiske styresmakter er viljuge til å stadfeste at det er verkeleg er Kim Jong-il, og kanskje til og med sonen og «kronprinsen» Kim Jong-un, som er på besøk i Kina.
Besøket i Kina vart innleidd i går, då følgjet var i byen Mudanijang .
Luksushotell
I dag tidleg lokal tid, i løpet av natta norsk tid, kom ein bilkortesje på rundt 12 køyretøy til luksushotellet South Lake Hotel i byen Changchun nordaust i Kina. Ein lokal fjernsynsstasjon melder at det er rundt 70 personar i følgjet til den nordkoreanske presidenten.
Blant bilane i kortesjen var ein stor svart Mercedez limousine med sota vindauge, ikkje ulik ein bil Kim Jong-il også tidlegare har brukt. Det var også ein ambulanse blant bilane.
Det er eit enormt tryggingsoppbod i byen, med fleire hundre soldatar og politifolk utplasserte i gatene. Kim Jong-il budde på det same hotellet sist han var i Kina, i fjor sommar. Då hadde han samtalar med Kinas president Hu Jintao her.
I ettermiddag lokal tid skal presidentfølgjet ha reist frå Changchun på veg til Shenyang lenger sør i Kina. Tidlegare på dagen vitja han, ifølgje det sørkoreanske nyheitsbyrået Younhap ein fabrikk tilhøyrande FAW Group, den nest største bilfabrikanten i Kina.
Det var venta at Kim Jong-il ville overnatte i Changchun, men truleg vil det skje i Shenyang. No går spekulasjonane på om han skal møte den kinesiske presidenten anten i Shenyang eller i Beijing.
LES OGSÅ:
LES OGSÅ:
Reiser med tog
Som vanleg når Kim Jong-il er på reise skjer det langs landjorda. Presidenten og følgjet hans kom til Changchun med eit spesialtog. Han likar ikkje å reise med fly, og i staden for eit presidentfly har han eit presidenttog.
- Eg reknar med at det er Kim Jong-il, men ingen fortel oss noko. Men når du bur i dette området er ein van med slikt, seier ein mann som kallar seg Wang til nyheitsbyrået Reuters.
Kim Jong-il vitja Kina to gonger i fjor, i mai og august, og de sørkoreanske professoren Cho Young-Ki meiner at dei, til Kim Jong-il å vere, hyppige besøka til Kina viser at Nord-Korea har eit desperat behov for hjelp frå Kina.
LES OGSÅ:
LES OGSÅ:
Betring av helsa
Professor Kim Young-Hyun ved universitetet i Dogguk i Sør-Korea, ser på vitjinga i Kina som eit teikn på at helsa til Kim Jong-il har vorte betre. Han meiner presidenten brukar vitjinga til å vise at helsa hans er bra, og at han har grepet om makta i heimlandet.
Vanlegvis plar styresmaktene i Nord-Korea og Kina stadfeste at Kim Jong-il har vore på tur etter at besøket er avslutta.
Kim Jong-il fekk truleg eit hjerneslag i 2008, sjølv om dette aldri er offisielt stadfesta. Den siste tida har han sett friskare og meir opplagd ut enn på lenge.
LES OGSÅ: