Førebels vil ikkje åtaket få fylgjer for jobben organisasjonane gjer, men dagleg leiar i Afghanistankomiteen, Liv Kjølseth, seier at det vert vanskelegare og vanskelegare å driva humanitært arbeid i Afghanistan.
– Ja, me er veldig urolege for tryggleikssituasjonen i Afghanistan og det har me vore lenge no. Me ser jo at det vert vanskelegare og vanskelegare å driva eit arbeid.
Fleire norske bistandsorganisasjonar hadde personell svært nært åtaka på Serena hotell i Kabul i måndag. Mellom desse var Kirkens nødhjelp. Generalsekretær Atle Sommerfeldt seier at dei fylgjer tryggleikssituasjonen tett.
– Me overvakar situasjonen heile tida, seier han. Organisasjonen har rutianr å fylgja når slikt skjer, oh Sommerfeldt seier at dei ikkje har grunn til å tru at åtaka er retta mot verksemda deira.
Arbeider vidare som før
Til no har sjølvmordsåtaket måndag ikkje fått fylgjer for den innsatsen Afghanistankomiteen, Kirkens Nødhjelp eller Flykninghjelpa, gjer i Afghanistan.
Genralsekretær i Flykninghjelpa, Elisabeth Rasmusson, seier dei ikkje er overraska over at det no er mindre trygt i landet. Dette ahr dei sett utvikla seg over tid.
– Når det gjeld arbeidet vårt, så vurderer me tryggleiken kvar time. Så langt har me ikkje teke noko avgjerd om å endra aktivitetane våre, men me kjem til å sjå på det utover dagen.
