Militsen skal ha teke kontroll over palasset etter ein kort periode med skotveksling mellom militsen og tryggingsvakter. Tryggingsvaktene stadfester overfor Reuters at dei har gitt opp.
Også hæren i Jemen stadfestar at gruppa har teke kontrollen over presidentpalasset. Landets informasjonsminister meiner at gruppa si mål er å kaste president Abdrabuh Mansur Hadi.
Men ein talsmann for militsen sjølve seier at dei ikkje har gått inn i palasset, men i staden for beskytter palasset mot tryggingspersonell som vil stele våpen.
– Dei (gruppas soldater) beskytter palasset mot tjuveri, seier Houthi-leiaren i eit utsegn på ei av sine nettsider.
Krev betre rettar for folk i nord
Den væpna militsen omringa palasset i går, berre timar etter at Jemens statsminister Khalid Bahah hadde klart å flykte frå eit angrep på hans bilkolonne.
- LES OGSÅ:
Det er førebels uklart om Bahah eller presidenten fann seg i presidentpalasset då militsen i dag gjekk til offensiv mot bygget.
Militsens medlemmer, som har bakgrunn frå det nordlege Jemen, er misnøgde med styresmaktene i landet og det dei meiner er ein urettvis skilnad på nord og sør. Dei krev betre rettar for zaydi-muslimar, og har i fleire år tydd til valdelege middel i sin kamp mot regimet.
FN ber om fred
På laurdag vart stabssjefen til president Hadi kidnappa av militsen. Houthi-militsen er misnøgde med planane om å endre på grunnlova og opprette seks regionar i landet.
- LES OGSÅ:
Militsen har i fleire tiår vore i konflikt med styresmaktene i Jemen, og no er dei rasande på desentrialiseringsplanane som dei meiner vil dele landet inn i rike og fattige regionar.
Sidan september har ein fredsavtale halde konflikten i sjakk, men i går braut altså militsen avtalen då dei gjekk til ein ny offensiv.
FNs generalsekretær Ban Ki-moon ber partane om å stoppe kampane i Jemen. I eit lukka møte i FNs Tryggingsråd sa Ki-moon at han er djupt uroa over situasjonen i landet.