NRK Meny
Normal

– Semje om ny krisepakke

Fleirtalet av dei private kreditorane skal ha gått med på å slette ein stor del av den greske statsgjelda. Avtalen er blant berebjelkane i eurosona sin nye redningspakke.

Hellas og EU

Det går mot semje om ein ny krisepakke til Hellas.

Foto: YANNIS BEHRAKIS / Reuters

Ein talsmann for den greske regjeringa seier til BBC at 80 prosent av kreditorane har gått med på planen som vil redusere den greske gjelda kraftig.

Gjeldsslettinga inneber at långjevarane godtek eit samla tap på nesten 75 prosent når tapte renteinntekter er rekna med.

Torsdag kveld er siste frist for private långjevarar å seie ja eller nei til avtalen.

Store mengder lån

Hellas' private gjeld på 107 milliardar euro utgjer nærmare ein tredel av landet si totale gjeld på rundt 350 milliardar euro.

Hellas håpar nedskrivinga vil bidra til å bringe vekst tilbake i økonomien igjen, men mange peikar på at ei gjeld på dryge 120 prosent av bruttonasjonalprodukt framleis er altfor høg.

Gjeldsavtalen med dei private långjevarane er blant berebjelkane i eurosonen sin nye redningspakke på 130 milliardar euro, om lag 990 milliardar kroner.

Hellas har store lån med forfall 20. mars og treng sårt både sletting av gjeld og nye lån.

Laster innhold, vennligst vent..
Laster innhold, vennligst vent..

SISTE NYTT

Siste nytt