I tillegg til USA sin ambassade, skal London-børsen og fleire framståande politiske og religiøse personar ha vore blant terrormåla til dei ni pågripne, ifølgje BBC.
Dei planlagde åtaka skulle ifølgje britisk politi skje i tidsrommet mellom den 1.oktober og den 20.desember i år.
- LES OGSÅ: Ni terrorsiktet i Storbritannia
Seks i varetekt
Britisk politi utanfor huset til ein av dei ni terrorsikta under pågripingane den 20.desember i år.
Foto: PAUL ELLIS / AfpDei er no sikta for å ha planlagd å gjennomføra «sprengingar av ein slik art at det ville vore fare for liv eller for alvorlege skadar», ifølgje britiske styresmakter.
Dei er i tillegg sikta for å ha henta inn bakgrunnsinformasjon og utført forsøk med eksplosive materiale.
I dag møtte dei ni i Westminster Magistrates`Court i London.
Alle dei sikta vart varetekstfengsla på ny fram til den 14.januar. Dei må då møta ein ny rettsrunde i Old Baileys Court i London.
Mennene er mellom 19 og 28 år. Tre av dei er frå Cardiff i Wales, to frå London og fire frå byen Stoke-on-Trent i midt-England. Ifølgje AFP er minst fem av bangladeshisk opphav.
Koordinert aksjon
Til saman vart 12 menn pågripne då britisk politi aksjonerte mot fleire adresser den 20.desember i år. Tre av mennene blei seinare sleppte fri og er ikkje sikta i saka.
Dei koordinerte arrestasjonane skjedde etter mange månader med overvaking utført av politi og etterretningsagentar.
