I følgje St. Olavs Hospital døydde guten av hovudskadar.
Sjåføren, som berre er 16 år gamal, ligg på St. Olavs Hospital med lettare skadar.
- Vi vil avhøyre 16-åringen så fort det let seg gjere, seier leiar på krimvakta ved Sør-Trøndelag politidistrikt, Geir Olav Granbo til NRK Trøndelag.
Tre andre vitne skal avhøyrast onsdag og politiet og biltilsynet skal gjere tekniske undersøkingar av ulykkesbilen.
Ulykka skjedde då 16-åringen mista kontrollen over køyretøyet, hamna i autovernet og rulla rundt.
Det er mistanke om promillekøyring, og politiet har tatt blodprøve av den 16 år gamle sjåføren. I følgje politiet hadde gutane lånt bilen.