Ein 31 år gamal mann køyrde først forbi ein personbil og la seg inn mellom denne og eit vogntog. Ulykka skjedde då mannen traff vogntoget i baken. Etter det blei bilen til 31-åringen truffen av ein varebil.
Ulykka skjedde i Moholtlia mellom Sluppen og Ranheim i Trondheim klokka 11:52.
Bilen blei totalskadd og den 31 årige sjåføren er sendt til St. Olavs Hospital med lettare skadar.
I følgje politiet skjedde ulykka på grunn av måten mannen køyrde på. Han har no fått beslaglagt førarkortet, opplyser politiet. 31-åringen vil bli avhøyrd så fort det let seg gjere.
Både politi og ambulanse var på ulykkesstaden, og trafikken blei dirigert manuelt ei tid etter ulykka. Alle bilene var på veg nordover.